Portieri Peter Gulacsi dhe familja e tij janë përballur me një ngjarje të rëndë, pasi persona të armatosur dyshohet se kanë hyrë me forcë në banesën e tyre dhe i kanë kërcënuar.
Sipas raportimeve, ngjarja ka ndodhur në orët e para të mëngjesit të së martës, kur portieri hungarez 36-vjeçar ndodhej në shtëpi së bashku me bashkëshorten dhe dy fëmijët e tyre të vegjël.
Fatmirësisht, nga incidenti nuk raportohet për të lënduar, por ngjarja ka shkaktuar shqetësim të madh për familjen. Për shkak të situatës së përjetuar, Gulacsi ka marrë pushim dhe nuk pritet të jetë në dispozicion për përballjen ndaj Napolit në Ligën e Kampionëve.
Në mungesë të tij, portën pritet ta mbrojë braziliani Luiz Júnior, i cili e nisi sezonin si zgjedhje e parë, përpara se Gulacsi të merrte vendin e titullarit pas ndeshjes ndaj Borussia Dortmundit.
Raste të ngjashme edhe në të kaluarën
Vjedhjet në banesat e futbollistëve nuk janë një fenomen i panjohur në Spanjë. Sipas raportimeve, raste të ngjashme kanë përjetuar edhe futbollistë të tjerë të lidhur me Villarrealin, përfshirë Karl Toko Ekambin dhe André-Frank Zambo Anguissan.
Edhe në zonën e Valencias janë raportuar grabitje në banesat e futbollistëve, ku ndër emrat e përmendur janë Ezequiel Garay, Gabriel Paulista dhe Geoffrey Kondogbia.
Ngjarja që përfshiu Gulascin dhe familjen e tij vjen në prag të një sfide të rëndësishme evropiane, duke bërë që portieri të mungojë në një moment të rëndësishëm për skuadrën e tij./pinkbizz.com